අරණායක ප්‍රාදේශීය සභාව
Aranayaka Pradesiya Sabhawa
දිප්පිටිය පොදු වෙළඳපොල විවෘත කිරීම.
රාජ්‍ය පරිපාලන ස්වදේශ කටයුතු පළාත් සභා හා පළාත් පාලන ආමාත්‍යාංශයේ සහ අරණායක ප්‍රාදේශීය සභාවේ මූල්‍ය දායකත්වයෙන් ඉඳිකරන ලද අරණායක ප්‍රාදේශිය සභාවේ දිප්පිටිය පොදු වෙළඳ සංකීර්ණය 2024 මාර්තු මස 09 වෙනි දින සබරගමුව පළාත් ගරු ආණ්ඩුකාරවර අධිනීතිඥ නවීන් දිසානායක මැතිතුමාගේ සුරතින් ජනතා අයිතියට පත් කරන ලදි
අරණායක ප්‍රාදේශිය සභාවේ නොදිරන කසල එකතු කිරිමේ වැඩසටහනක්
2024.05.14 වෙනි දින නොදිරන කසල එකතු කිරිමේ වැඩසටහනක් අරණායක ප්‍රාදේශිය සභාවේ මූලිකත්වයෙන් හා සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරික්ෂක මහතුන්ගේ අධීක්ෂණය යටතේ සිදු කෙරිණි.
අරණායක ඩෙංගුවලින් තොර කලාපයක් කිරීමට විශේෂ වැඩසටහනක්
ඩෙංගු මර්දන වැඩසටහනට සමගාමීව දිප්පිටිය නගරයේ කාණු පද්ධතිය පිරිසිදු කිරිමේ ඒකාබද්ධ වැඩසටහනක් අරණායක ප්‍රාදේශීය සභාව විසින් සෞඛ්‍ය වෛද්‍ය නිලධාරි කාර්යාලය, ප්‍රාදේශීය ලේකම් කාර්යාලය, අරණායක පොලිසිය යන රාජ්‍ය ආයතනවල සහයෝගයෙන් දිප්පිටිය නගරයේදි 2024.08.16 දින සිදු කරන ලදි.
2025 වර්ෂය සදහා සැපයුම්කරුවන් හා කොන්ත්‍රාත්කරුවන් ලියාපදිංචි කිරීම.
2025 වර්ෂය සදහා අරණායක සභාවට අවශ්‍ය භාණ්ඩ හා සේවා සැපයීම සදහා කැමැත්තක් දක්වන පිළිගත් නිෂ්පාදකයින්, සැපයුම්කරුවන් හා කොන්ත්‍රාත්කරුවන් ලියාපදිංචි කිරීම සදහා 2024/12/31 දින ප.ව.3.00 දක්වා අයදුම්පත් කැදවනු ලැබේ.